perfil

Arturo Larena é licenciado en Xornalismo pola Universidade Complutense/CEU San Pablo, onde tamén cursou estudos de Relacións Públicas e Publicidade. En setembro 2006 foi nomeado Delegado Xeral de Efe en Galicia.

Distinguido en 2005 co Premio Nacional de Xornalismo Ambiental do Ministerio de Medio Ambiente, foi anteriormente o xefe do Servizo Rexional de Efe na comunidade de Madrid, cargo que desempeñou durante os últimos 7 anos, e entre xuño de 1998 e outubro de 1999 foi delegado de Efe en Estremadura. Larena está especializado en Xornalismo Científico e Ambiental no Consello Superior de Investigacións Científicas e foi presidente da Asociación de Xornalistas de Información Ambiental entre 1998 e 2002.

Ademais dos citados premios, o seu labor profesional foi recoñecido con diversos galardóns, como o 'Premio Amigos de la Tierra' 1995, da ONG internacional Friends of the Earth.